Pedofili dhe pornografi, edhe në zemër të Pentagonit. 20 persona, duke përfshirë zyrtarë dhe punonjës të tjerë të Pentagonit, janë akuzuar për daunlodimin nga interneti të filmave dhe videove me përmbajtje pornografie me fëmijë të mitur. Në disa raste, zyrtarët kanë përdorur gjithashtu edhe kompjuterë të qeverisë. Lajmi është bërë i ditur nga gazeta Boston Globe e cila citon një raport të brendshëm të Departamentit Amerikan të Mbrojtjes, mbi një hetim që kishte filluar që para 4 vjetësh. Njerëzit e përfshirë në pedofilinë dhe pornografinë me të mitur, kanë qenë të punësuarit me orar të plotë, ish-ushtarakë apo bashkëpunëtorë në Pentagon. /Alsat-M

Autor: Mr. Bashkim Aliu

Israja dhe miraxhi është një nga mu’xhizet më të dalluara të Pejgamberit të Allahut Muhamedit, paqa dhe mëshira e Allahut qoftë mbi të, e cila e ngacmon logjikën e njeriut normal të meditojë ma tepër rreth Krijuesit dhe fuqisë së Tij të pakufishme, ndërkaq për besimtarin paraqet stimuls për forcimin e besimit dhe ngritjen e shkallës së vetëdijes së tij fetare.

Çështë Israja dhe Miraxhi?

Isra-quhet udhëtimi i të dërguarit të Allahut Muhamedit s.a.v.s. në një pjesë të natës prej Mesxhidi Haramit-Qabes në Meke deri në Mesxhidi Aksa në Kudusi Sherif-Palestinë.

Miraxh-quhet ngjitja e të dërguarit të Allahut prej Mesxhidi Aksaje në sferat e larta qiellore.

Kur ndodhi Israja dhe Miraxhi?

Ekzistojnë shumë mendime për atë se kur ka ndodhur Israja dhe Miraxhi, por ajo që dihet mirë është se Israja dhe Miraxhi kanë ndodhur para shpërnguljes së të dërguarit të Allahut për në Medine.Sipas historianit të njohur Ibn Sa’d kjo ka qenë diku tetëmbëdhjetë muaj para shpërnguljes së Muhamedit s.a.v.s.në muajin Rexheb.

Si ndodhi Israja dhe Miraxhi?

Transmentimet kështu e përshkruajn këtë ndodhi:Pasi iu pastrua zemra në Mekë, i dërguari i Allahut u nis me Burakun-mjet udhëtimi-në përcjellje të Xhibrilit për në Bejtu-l-Makdis-Palestinë.Pas arritjes në këtë vend, e lidh burakun për hallkën e derës së xhamisë dhe aty fal namaz bashk me pejgamberët tjerë ku u bëhet edhe imam atyre.Sipas disa dijetarëve këtë namaz Muhamedi s.a.v.s. e ka falur bashk me pejgamberët pasi ka zbritur prej miraxhi.

Pastaj bashk me Xhibrilin niset për në sferat e larta qiellore, dhe në qiellra takohet me pejgamber të mëparshëm të cilët i përshëndet, edhe ata ia kthejnë përshëndetjen, i dëshirojnë mirëseardhje dhe e rikonfirmojnë besimin në pejgamberinë e tij.Ai u takua me:Ademin a.s.Jahjanë a.s, Isain a.s, Harunin a.s, Musain a.s, dhe në qiellin e shtatë takohet me Ibrahimin a.s. Pastaj ngrite në Sidretu-l-munteha, pikën më të lartë, e pastaj në horizontet tjera të Allahut.

Në Miraxh u bë farz namazi pesë kohë, aty Muhamedit s.a.v.s. iu treguan disa forma të dënimit të mëkatarëve, si psh.Ngrënësit e pasurive të bonjakëve i pa me buzë si turinjtë e deveve të cilët përtypnin kafshata të zjarit të xhehenemit dhe gurë të skuqur që gulfonin nga shpinat e tyre.Poashtu, i pa shfrytëzuesit e kamatës me barqe tejet të mëdha që nuk mund të lëviznin prej vendi.Poashtu i ka parë laviret duke mbajtur në dorë mish të majmë dhe të pastër dhe mish të qelbët, ato kanë hëngër mish të qelbët e e kanë lënë të mirin, etj.

Këtë ndodhi e përshkruan Allahu xh.sh. në Kur’anin famëlartë dhe thotë:<>.(Kaptina El-Israë, 1).

Pas ardhjes së Muhamedit s.a.v.s.prej Israsë dhe Miraxhit, dhe pas tregimit së kësaj ngjarje para opinionit Mekas, jo besimtarët edhe ma tepër filluan të tallen dhe të qeshen e ta akuzojnë Muhamedin s.a.v.s.se gënjen, sepse sipas tyre ishte e pamundur brenda një pjese të natës të bëhet gjithë ky udhëtim i gjatë.Edhe pse Muhamedi s.a.v.s.ua përshkruajti Mesxhidi Aksanë, poashtu u tregoi për karavanet që vinin prej atje për në Meke dhe për ata që e kishin humbur një deve, ata nuk i besuan.Ndërkaq në anën tjetër, besimtarët e vërtetë nuk u lëkundën, por sinqerisht besuan.Kështu, kur i thanë Ebu Bekrit r.a.se shoku yt tregon për këtë udhëtim, ai pa asnji dyshim tha:Nëse këtë e ka thënë Muhamedi s.a.v.s.unë I besoj pa asnji dyshim.Në këtë rast edhe e mori ofiqin Es-Sidik-i sinqerti i madh.

Këtu duhet theksuar se Israja dhe Miraxhi ndodhi edhe me trup edhe me shpirt.Ka është mendimi më i drejtë i shumicës së dijetarëve të cilin e mbështesin edhe argumentet valide racionale dhe tradicionale.

Kombëtarja e Spanjës është fituese e Kampionatit Botëror, Afrika e Jugut 2010, pasi që ka arritur të shënojë fitore historike prej 1-0 përballë Holandës në finalen e madhe të zhvilluar në Soccer City të Johanesburgut.

Kjo finale u përshkua me një lojë mjaft agresive nga të dyja anët, ndërsa këtë e dëshmon edhe numri i madh kartonëve të verdhë të ndarë nga arbitri kryesor Howard Webb.

Rastet më të mira gjatë kohës së rregullt për ‘Tulipanët’, i pati Arjen Robben, i cili dy herë dështoi përballë portierit Iker Casillas, ndërkohë që për ‘Furinë e kuqe’ vlen të përmendet një rast i shkëlqyer i David Villas që nuk përfundoi në rrjet, dhe një rast shumë i mirë i Sergio Ramos, mirëpo goditja e tij përfundoi mbi portë.

Sido që të jetë, në fund të kohës së rregullt të takimit rrjetat mbetën pa u prekur, ashtu që duhej të zhvilloheshin vazhdimet për të përcaktuar kampionin.

Në pjesën e parë të vazhdimeve, Cesc Fabregas pati një mundësi të artë për ta kaluar përfaqësuesen e tij në epërsi kur u gjet ballë për ballë me Stekelenburg, mirëpo portieri holandez doli më i suksesshëm.

John Heitinga ia vështirësoi punët kombëtares së tij në pjesën e dytë të vazhdimeve, pasi u ndëshkua me kartonin e dytë të verdhë pas një ndërhyrjeje në Andres Iniestan, dhe gjyqtari Webb e përjashtoi nga loja.

Reagim ndaj shkrimit: "Shamia, ana tjetër e medales!" të botuar në gazetën ditore Kosova Sot me datë 23.06.2010 nga Alma Lama

Znj. Alma Lama, më me dëshirë kisha dashur t’ju thosha: “e nderuara” apo “e respektuara” znj. Lama, por sipas shkrimit tuaj dhe asaj çka kuptojmë prej tij, tepër është për ty edhe “Zonjë”, sepse një zonjë (sipas kuptimit të fjalës) me siguri duhet të jetë e arsimuar dhe me një moral të nivelit të lartë, kurse me sa shoh juve nuk ju përshatet as njëra dhe as tjetra.

Ajo që më habit më së shumti është shtrembërimi i së vërtetës që bëni te shkrimi. Ju me shumë shtrembërime dhe gënjeshtra dëshironi të jepni ngjyrat e asaj që ne në fenë Islame e quajmë të drejtë. Në atë që Islami qenka dhunues i drejtëpërdrejtë te femrat dhe, gjithashtu, me “një mendje të mprehtë”, siç e keni ju, lë të kuptohet se JU dhe Serbia keni një mendim për sa i përket shqiptarëve, se shqiptarët janë “terroristë”.

Pikë së pari, ju gënjeni se të premten kanë dalë një grup besimtarësh myslimanë në protestë! Pse shkruani diçka që nuk keni njohuri? Kishte me mijëra veta, por jo vetëm “besimtarë myslimanë”, por mbi 20 organizata joqeveritare dhe shumë njerëz që nuk e praktikojnë fenë islame, mbi të gjitha, ata, të gjithë, ishin SHQIPTARË. Shikojeni edhe njëherë inçizimin që doli në medium, dhe për “çudi” aty ka mjaft femra që janë të pambuluara, a thua vallë kush i manipuloi ato?

Edhe një herë rreth shamisë, laicitetit dhe hipokrizisë.

Shkruan: Halil IBRAHIMI

Në Diznilend dhe në botën e Hari Poterit gjithçka mund të ndodhë: shtrigat mund të fluturojnë mbi bishta fshesash, autobusët mund të hyjnë nëpër vrima gjilpërash dhe jashtëtokësorët mund të jetojnë vetëm me ajrin e Tokës. Duke vrojtuar zhvillimet e përditshme sociale, ekonomike dhe juridike në vendin tonë, nuk ke si të mos stepesh kur e sheh se Kosova jonë fort e dashur fatkeqësisht është shndërruar në një shoqëri fantastiko-shkencore ku nuk të çuditë më as lajmi më i pazakontë. Në vazhdën e ngjarjeve të fundit rreth përjashtimit të nxënëseve shqiptare muslimane nga shkollat për shkak të shamisë prapë nuk ke si të mos e konsiderosh Kosovën në të njëjtin nivel me Diznilendin, Hari Poterin apo Shoqërinë e Unazave.

Ministria e Arsimit Shkencës dhe Teknologjisë me aferën rreth ndalimit të shkollimit për nxënëset muslimane në Kosovë e ka kthyer vetveten në një shoqatë magjistarësh ku lejohet edhe fantazia edhe hipokrizia edhe budallakia. Fillimisht MASHT-i duke dashur të ndalojë bartjen e shamisë së vajzave muslimane në shkollat publike doli me një urdhër administrativ ku e ‘ndalon ndalimin e bartjes së uniformës fetare’. Kjo ishte e mjaftueshme për të kuptuar se çfarë njerëzish kemi zgjedhur për të na udhëhequr dhe për ta përparuar e menaxhuar jetën tonë të përditshme. Në vend që urdhri administrativ të ndalonte bartjen e uniformës fetare siç ishte koncipuar nga krijuesit, ai e bënte të kundërtën; e ndalonte ndalimin e bartjes së uniformës fetare. Gafa të tilla mund të bëjnë vetëm palo-zyrtarë të cilët direkt nga kopetë e lopëve kanë ardhur për të udhëhequr kopetë e njerëzve pa kaluar asnjë ditë kalimthi nëpër bankat e shkollave. Kjo i bie njësoj sikur ligji i cili ndalon vrasjen e fëmijëve të shkruhet si ‘ndalim i ndalimit të vrasjes së fëmijëve’ që do të thotë se është e ndaluar të ndalosh vrasjen e fëmijëve, pra të gjithë ata, qofshin zyrtarë shteti apo qytetarë, që mëtojnë të parandalojnë vrasjet do të jenë të ndaluar nga ligji dhe jo vetë vrasësit.